नोकरी लावून देण्याच्या आमिषाने १.१३ कोटींची फसवणूक; उदगीर शहर पोलीस ठाण्यात तिघांविरुद्ध गुन्हा

उदगीर : नोकरी लावून देतो, असे सांगून एका प्लेसमेंट अँड मॅनेजमेंट कंपनीच्या माध्यमातून फिर्यादी आणि इतर साक्षीदारांकडून एकूण एक कोटी १३ लाख रुपये उकळल्याचा प्रकार उघडकीस आला आहे. याप्रकरणी उदगीर शहर पोलीस ठाण्यात ९ ऑक्टोबरला तिघांविरुद्ध फसवणुकीचा गुन्हा नोंदवण्यात आला. शहरातील नई आबादी भागात राहणाऱ्या २९ वर्षीय तरुणीने याबाबत फिर्याद दिली आहे.

फिर्यादीनुसार, १३ ऑगस्ट २०२५ ते ९ ऑक्टोबर २०२६ या काळात तिघा आरोपींनी संगनमत करून फिर्यादी आणि इतरांना नोकरीचे आमिष दाखवले आणि त्यांच्याकडून ही रक्कम घेतली, असे फिर्यादीत म्हटले आहे. गुन्हा दाखल झालेल्यांपैकी एक जण उत्तर प्रदेशातील गोरखपूरचा, तर दोघे छत्रपती संभाजीनगर जिल्ह्यातील सिल्लोड आणि गंगापूर तालुक्यांतील रहिवासी आहेत.

माहिती स्रोत: सकाळ