आमच्याबद्दल

आमची ओळख

माय महा राष्ट्र (MY MAHA RASHTRA) हे नाशिकहून प्रकाशित होणारे मराठी आणि इंग्रजी वृत्तपत्र आहे. महाराष्ट्रातील सर्व ३६ जिल्ह्यांतील बातम्या आम्ही दोन्ही भाषांत देतो.

मोठ्या शहरांतील घडामोडी सगळीकडे पोहोचतात; गाव, तालुका आणि जिल्ह्यातील प्रश्न मात्र अनेकदा मागे राहतात. ते प्रश्न, तिथली माणसे आणि तिथले यश वाचकांपर्यंत पोहोचवणे, हे आमचे काम आहे.

आम्ही काय प्रकाशित करतो

• छापील वृत्तपत्र: साप्ताहिक आणि दैनिक आवृत्ती.
• ई-पेपर: छापील अंक संकेतस्थळावर वाचण्यासाठी — ई-पेपर.
• संकेतस्थळ: दिवसभरातील बातम्या, मराठी आणि इंग्रजीत.
• जिल्हावार बातम्या: तुमच्या जिल्ह्याच्या बातम्या महाराष्ट्राच्या नकाशावर शोधा.

प्रत्येक बातमी मराठी आणि इंग्रजी अशा दोन्ही भाषांत असावी, असा आमचा प्रयत्न असतो. एका भाषेतून दुसऱ्या भाषेत अनुवादित केलेल्या बातमीवर तसे स्पष्ट लिहिलेले असते.

गाव तेथे माय महा राष्ट्र प्रतिनिधी... आवाज माय महा राष्ट्रचा...

गावाची बातमी गावातूनच यावी, यासाठी आम्ही जिल्हा, तालुका आणि गाव पातळीवर प्रतिनिधींचे जाळे उभारत आहोत. राज्यातील प्रत्येक गावात आमचा एक प्रतिनिधी असावा, हे आमचे ध्येय आहे. अर्ज करण्यासाठी कोणतेही शुल्क नाही.

गाव प्रतिनिधी म्हणून अर्ज करा

मालकी, प्रकाशन आणि नोंदणी

• मालक, प्रकाशक आणि मुद्रक: परशुराम निवृत्ती जाधव
• संपादक: परशुराम निवृत्ती जाधव
• तांत्रिक संपादक: आदित्य परशुराम जाधव
• प्रकाशन स्थळ आणि कार्यालय: आदिशक्ती, B.E.3/51/03, सिंहस्थ नगर सर्कल, नवीन नाशिक, नाशिक, महाराष्ट्र ४२२००९
• मुद्रणालय: निर्भीड जनमत पब्लिकेशन, प्लॉट क्र. २५९, गट क्र. ९२/१, राजूर बहुला, नाशिक, महाराष्ट्र ४२२०१०

माय महा राष्ट्र हे प्रेस व नियतकालिके नोंदणी अधिनियम, २०२३ (Press and Registration of Periodicals Act, 2023) अंतर्गत भारताच्या प्रेस रजिस्ट्रार जनरल (PRGI) यांच्याकडे नोंदणीकृत आहे. नोंदणी क्रमांक MHBIL/25/A3940; नोंदणी दिनांक १३ नोव्हेंबर २०२५; भाषा इंग्रजी आणि मराठी; नोंदणीकृत नियतकालिकता साप्ताहिक.

संपादकीय स्वातंत्र्य

काय प्रकाशित करायचे, याचा निर्णय संपादक घेतात. जाहिरातदार, प्रायोजक किंवा कोणताही राजकीय पक्ष बातमीचा मजकूर ठरवत नाही. बातमी, मत आणि जाहिरात यांत आम्ही स्पष्ट फरक ठेवतो.

आमच्या कामाचे नियम आचारसंहिता आणि दुरुस्ती धोरण या पानांवर आहेत.

आमच्याशी जोडलेले राहा

• संपादकीय मंडळ: वृत्तपत्रासाठी कोण जबाबदार आहे
• संपर्क: बातमी कळवा, प्रश्न विचारा
• सदस्यता: छापील अंक, ई-पेपर किंवा ईमेल न्यूजलेटर
• करिअर: आमच्यासोबत काम करा