आमच्याबद्दल

प्रत्येक गावात सांगण्यासारखी एक बातमी असते — ती संपूर्ण महाराष्ट्रापर्यंत पोहोचवणे हेच आमचे काम.

महाराष्ट्राच्या कानाकोपऱ्यातील बातमी जगातील वाचकांपर्यंत त्यांच्याच भाषेत पोहोचावी, या एकाच उद्देशाने ‘माय महा राष्ट्र’ची संकल्पना उदयास आली. ‘गाव तेथे माय महा राष्ट्र प्रतिनिधी... आवाज माय महा राष्ट्रचा...’ या संकल्पनेतून आम्ही राज्यातील सर्व ३६ जिल्ह्यांत प्रतिनिधींचे जाळे उभारत आहोत, जेणेकरून गावाचा आवाज जनतेपर्यंत पोहोचेल. मराठी आणि इंग्रजी अशा दोन्ही भाषांत, दैनिक व साप्ताहिक आवृत्त्यांसह ई-पेपरच्या माध्यमातून आम्ही वाचक जिथे असेल तिथे पोहोचतो. अचूक, संतुलित आणि जबाबदार पत्रकारिता, अन्यायाच्या विरुद्ध आवाज उठवणे, अन्यायाला वाचा फोडणे हे आमचे वाचकांना दिलेले वचन आहे. आमच्यासोबत या, वाचा, आम्हाला लिहा आणि या प्रवासात सहभागी व्हा.

आदित्य परशुराम जाधव हे ‘माय महा राष्ट्र’चे तांत्रिक संपादक आहेत. ते मुंबई विद्यापीठाच्या ठाकूर श्यामनारायण अभियांत्रिकी महाविद्यालयात इलेक्ट्रॉनिक्स अँड कॉम्प्युटर इंजिनिअरिंग (बी.ई.) चे शिक्षण घेत आहेत. मोबाईल ॲप्सपासून कॉम्प्युटर व्हिजन आणि एम्बेडेड हार्डवेअरपर्यंत ते तंत्रज्ञानाच्या सर्व स्तरांवर काम करतात. मुंबईसाठी एआय-आधारित प्रवास सहाय्यक ॲप, गर्दीतील चेंगराचेंगरीचा धोका ओळखणारी कॉम्प्युटर व्हिजन प्रणाली आणि विद्यार्थ्यांसाठी लॉग-इन असलेले परीक्षा निकाल पोर्टल ही त्यांची अलीकडची कामे आहेत.